الريس بيضحك من قلبه مع أولاده اللى بتحبه

اليوم العالمى لذوى القدرات الخاصة 12/3 اسمحولى فى المقالة دى أكتفى باستعراض مجموعة من الصور وكلمة أوجهها للرئيس السيسى اللى بيكون فى اليوم ده بيتجرد من منصبه وبيعيش يوم من أسعد أيام حياته وسط أولاده من القدرات الخاصة بيضحك من قلبه وبيفرح من قلبه وبيمنح من قلبه برضه وبيتكلم كأب مش كرئيس.

 

وبينسى ولو لساعة واحدة إنه رئيس مصر وبيصبح أب لأولاد كل اللى طلبينه من الدنيا إنهم يفرحوا ويحسوا إن حد بيحس بيهم ما بالك بقى والرئيس شخصيًا قاعد معاهم وبيضحك ويضحكهم ويفرحهم دلوقتى اتفرجوا على الصور وشوفوا سيادة الأب عفوا سيادة الرئيس مع أولاده بيعملوا إيه وشوفوا هو كمان فرحان إزاى وهنهى المقالة بأبيات من شعر كنت كاتبها وحاسس أوى إن الكلام ده وقته.

أنا عندى طريقة بتدخلنى كل القلوب

أنا عندى ضحكة تعدل أى مزاج مقلوب

لمتنا مع بعض وضحكتنا مع بعض بتخلى كل هم يدوب

الشكل فيه اختلاف لكن القلب واحد

نعمة من ربنا لينا واحد واحد

لو هتختار بالشكل عمرك ما تختار واحد

ولو اختارت بالضحكة اللى على الوشوش

عمرك ما هتسيب مننا واحد

نقول كمان

لو وزعنا ضحكنا على العالم لسه فى تانى

لما نحول كل كلام الشر لخير وأغاني

مد إيدك فى إديا وخلينى معاك موجود

أنا بحب كل الناس وحلمى يكون ليا فى الدنيا دى وجود

فاحنا ملايكة ربنا فى الأرض

وحبنا للعالم كله ملهوش حدود

ونهاركم سعيد ويومك بيضحك 

بالعند فى أى حسود.