الأحد 5 فبراير 2023
رئيس مجلس الإدارة
هبة صادق
رئيس التحرير
أحمد الطاهري
رئيس مجلس الإدارة
هبة الله صادق
رئيس التحرير
أحمد الطاهري

جوزك على ما تعوديه.. الحب الصحى

للحب أنواع كثيرة فى التعبير عنه، وكل واحد بيحب وبيعبّر عن حبه بطريقة مختلفة ومش شرط نهائى إن كل اثنين متجوزين بيحبوا بعض بنفس الطريقة.



فى ستات بتحب الكلام الحلو؛ وفى اللى بتحب أنها تقضى وقت حلو وجميل مع جوزها؛ وفى اللى بتحب المساعدة والمشاركة فى تفاصيل الحياة؛ وده بيكون بالنسبة لها تعبير عن الحب، وفى اللى بتحب الهدايا، وهناك أنواع كثيرة للرجل والمرأة فى التعبير عن الحب.

الفكرة إن كل واحد فى العلاقة يبقى فاهم الشخص الآخر عاوز إيه ومحتاج إيه بالظبط، بمعنى إن مش من الضرورى علشان أنا بحب مثلا الاهتمام والكلام الحلو يكون هو كمان بيحب أعبّر له عن مشاعرى بنفس الطريق، مش صح لأننا مختلفين عن بعض ومش معنى أنى بحب التعبير عن الحب بالشكل ده يكون هو كمان بيحبه بالشكل ده.

الحب الصحى هو بذل المجهود فى الاتجاه الصحيح، عارفة جوزى بيحب إيه ومحتاج منّى إيه وبعمله، وطبعًا بالعكس. وعلى فكرة مش عيب خالص إنى أعرف أنت بتحب إيه وأعمله، ده مش معناه نهائى إنى بتغير علشان الطرف الآخر، أبدًا أنا بحاول أفهم هو بيحب إيه وبيرفض إيه وأبعد عنهم علشان العلاقة تكون صحية. 

الحب الصحى ده بيكون مريح جدًا للطرفين كل واحد عارف حدوده وبيحترمها وده بيوطد العلاقة وبيجعلها أكثر سهولة.

العلاقات والزواج صعب جدًا ولكن فهمه بيسهل وبيدوّب الكثير من العوائق، انتقال العلاقة إلى أصدقاء وشركاء من أحد أهم أسباب نجاحها.