أنــا اتخنقت

أنا اتخنقت

أنا اتخنقت وكمان طهقت وخلاص بقيت ما بعرفش أنام

ولو باعونى أو حتى اشترونى يا مؤمنين أنا حسوا كام

حسوا يعنى زكيبة فلوس ولا حسوي.. حزن والآلام

وإن كنت حسوا شيء بيسوى تفتكروا يعني.. حبقى تمام 

وحعرف أعيش واقفلى شيش وأغمض عيونى واحلم كمان 

لا معتقدش ولا سلمش... أنا اتخنقت أنا مش تمام

 

أنا اتخنقت

دى الدمعة فره من عيوني.. وقلبى مات كده من سكات

واللى اشترونى تانى بعوني.. وأخدوا مكانى حزن وآهات

وجه معادهم ووقت الحساب. حايحسبوا مين والفرح مات

 أنا ركبى سايبه وعنيه زايغة وأحاسيس مافيش وزمنى فات

 خلاص سايبكوا ولما افوتكوا.. افتكروا عنى شوية حاجات

افتكروا إنى راجل تملى ولما باعونى حكوا حكايات

أنا اتخنقت.. أنا مش تمام