نجيب ساويرس

يا عم نجيب يا ساويرس    السياسة مالك بيها
مش كل حاجة بفلوسك    هتقدر تشتريها
خليك فى التجارة
فى المكسب والخسارة
مالك بوجع الدماغ
والسياسة وبلاويها
>>
ولا أنت يعنى خلاص    مش ناقصك إلا هيه
طمعان فى الحصانة     ولا ف حاجة تانية
فهمنى باختصار
معلش أخوك حمار
ونفسه بس يعرف
ليه مشعلل فيها نار
يا عم نجيب ياساويرس
>>
سيب السياسة لناسها    دول اتخلقوا ليها
زى السمك فى الميه    يوماتى بتاكل فى بعضيها
قفل ع الموضوع
وشوفلك كام مشروع
شباب مصر عاطل
وع القهاوى مقضيها
يا عم نجيب يا ساويرس
كلمات: صديق المغازي