محمد أبو سويلم

مصر أرض الكنانة اشتهرت بالزراعة من زمن الفراعنة وشفنا نقوش المزارعين تصف فيها الصور الرائعة مواسم الزرع والأمطار والحصاد.

السينما المصرية كذلك ظهر فيها المزارع المصرى أو الفلاح كما نسميه.

أبطال كبار قدموا الشخصية دى وأدوها بشكل أعمق من أنهم يتكلمون بلهجة الفلاح فقط.

من الممثلين العظماء دول كان شكرى سرحان فى دور أبوالعلا فى الزوجة التانية.

أبوالعلا قام بدور الفلاح المطحون الليّ عمدة البلد بيقهره ويرغمه على تطليق مراته فاطمة علشان هو يتجوزها وينجب منها لأن زوجته لا تنجب بس خطته لا تنجح بل بالعكس تحمل فاطمة من أبوالعلا فيصاب العمدة بالشلل.

وبنشوف فى الفيلم حياة الريف والفلاحين والاختلاف الطبقى فى نسيج الريف المصرى.

أما عبدالله غيث الليّ قام بدور عبدالله فى فيلم الحرام  فكان هو كمان فلاح أنهكت البلهارسيا كبده فمرض وأصبح ملازم الفراش ولا يقوى على العمل فى الأرض.

كان عبدالله متجوز من عزيزة وعنده ولد وبنت.

وفى يوم من الأيام وهو عيان وراقد كان نفسه فى بطاطا فراحت عزيزة  تجيبله من الأرض بطاطا بس يفاجئها أحد شباب القرية ويعتدى عليها وتحمل منه وتنجح فى إخفاء حملها عن الناس بس لما بتولد بتخاف صراخ وبكاء البيبى يفضحها فبتقتله دون وعى.

أما فيلم الأرض اللي متصنف رقم 2 فى قائمة أفضل أفلام السينما المصرية فكان فيه شخصيتين من الفلاحين من أكتر وأشهر ما قُدم ودول شخصية عبدالهادى اللى قام بيها عزت العلايلى فى الفيلم وهو دور كان واضحا فيه الشخصية بتاعة الفلاح: شاب طويل عريض البنية الشمس لفحت وشه وجبهته والفاس معاه وملازمه.

والشخصية التانية وهى الأشهر على الإطلاق فى دور الفلاح هو محمد أبو سويلم.

الفيلم اتعرض سنة 1970 بس بيتكلم عن قرية مصرية فى سنة 1933 لما العمدة بيبلغ الفلاحين فى قرية رملة الأنجب أن حصة رى أراضيهم من المية  بقت بالنص مع أحد أهم الأعيان فى القرية: محمود بك الأقطاعى.

الفلاحين بيقلبوا الدنيا وأولهم محمد أبوسويلم فى دور خالد لا يُنسى للعبقرى محمود المليجى.

فى الفيلم بيقدم الفلاحين عريضة للحكومة وبيسافر منهم ناس للقاهرة.

بيستغل محمود بك جهل الفلاحين ويستغل توقيعاتهم لمصلحته الشخصية لبناء شارع يربط بين قصره والشارع الرئيسى.

بعد المكيدة الليّ اتعملت للفلاحين بيعترضوا جداً وبيرموا حديد البناء فى المية وبيخرج الوضع عن السيطرة فبتنزل قوات للسيطرة على الوضع وتنتزع من الفلاحين الأرض بالقوة ويتصدى محمد أبوسويلم لهم فى مشهد هو الأكثر التصاقاً بأذهاننا لما بيتم سحل أبو سويلم وهو متشبث بالجذور فى الأرض.

الفيلم أيقونة لا تنسى هو وبطله محمد أبو سويلم ونجح نجاح جماهيرى ساحق لأن فيه فكرة خالدة عن الأرض والانتماء لها.