الإثنين 22 يوليو 2024
رئيس مجلس الإدارة
هبة صادق
رئيس التحرير
أحمد الطاهري
رئيس مجلس الإدارة
هبة الله صادق
رئيس التحرير
أحمد الطاهري

جوزك على ما تعوديه.. المجتمع الذكورى وحلة الأرز

الموضوع هنا مش الأرز بعينه بس الفكرة نفسها، يعنى مثلا لو فى أى حاجة ممكن تكون ناقصة فى الأكل وخصوصا لو فى مناسبة زى أول يوم العيد أو أول يوم رمضان بيبقى فرح وموضوع كبير ونجيب ناس تتخانق مع إن الراجل بينسى حاجات كتير واحنا كستات بنعديها ونقول معلش أصله مضغوط معلش أصله نسى مش مهم وكلام بنصبر بيه نفسنا.



لكن لما تيجى الست أول يوم العيد وتحضر الأكل لعيلتها وتنسى الرز أو أى حاجة من مكونات الأكل بتبقى فرح.

ليه؟ هى بنى آدم عادى ممكن تنسى حاجة أو تتلخبط فى الطبخ وهى بتطبخ فى درجة حرارة جهنم اللى بنعيشها، أو تعمل الأكل وميطلعش بنفس الدقة بتاعت كل مرة، عادى ممكن تحصل ومفيهاش مشكلة كمان. 

ومش لازم كل الستات تكون بتعرف تطبخ ومش لازم لو بتعرف تكون شاطرة ولو مش بتعرف تبقى ست فاشلة. 

مفيش حاجة اسمها ست فاشلة أو راجل فاشل، فى حاجة اسمها مش بعرف وممكن أتعلم لو دى حاجة مهمة بالنسبة لشريك حياتى والكلام ده للراجل أو للست.

بلاش أحكام على الستات اللى بتقف فى المطبخ فى ظروف صعبة سواء كانت الظروف دى قطع الكهربا أو درجات الحرارة المرتفعة. فرفقا يا شباب بالزوجات دول مش مكن وكل حاجة تتحل، حتى لو كانت حلة أرز أول يوم العيد.. العيش مقصرش معانا فى حاجة. خفوا شوية.