الأربعاء 7 ديسمبر 2022
رئيس مجلس الإدارة
هبة صادق
رئيس التحرير
أحمد الطاهري
رئيس مجلس الإدارة
هبة الله صادق
رئيس التحرير
أحمد الطاهري

جوزك على ما تعودية.. شريك الحياة

دى كلمة عميقة جدًا ومعناها كبير، شريك الحياة يعنى حد بيشاركنى كل لحظة، شريك فى حياتى، بنفكر مع بعض بناخد قرار مع بعض، فاهمنى كويس عارف إيه اللى بيضايقنى وإيه اللى بيبسطنى.



بندعم بعض فى كل القرارات، فى أهداف مشتركة ما بينا، فى لغة تفاهم قوية.

 كل واحد شايف فى الطرف التانى اللى محدش شايفه، فاهمه كويس وحافظه، عارف عيوبه وعارف يتعامل معاه ومش بيحاول يغيره أو يسيطر عليه. 

بيفهموا بعض من النظرة ودايمًا بيسعوا أنهم يبنوا رصيد مع بعض، بكلمة بسيطة بموقف جدعنة، باهتمام، بتقدير، بضحكة، بذكريات جميلة بيعملوها مع بعض.

هى دى الشراكة اللى المفروض يتبنى عليها الزواج، هى دى المودة والرحمة اللى ربنا قال عليها. إحنا بنتجوز علشان نسند على بعض ونحب بعض ونعيش حياة حلوة، مش علشان ننكد على بعض ونضايق بعض ونسيطر على بعض.

الحياة مش عاوزة كلكعة، الدنيا أسهل مما تتصوروا. لو مش لاقى الشريك المناسب يبقى بلاها جواز وقديها سينجل أحسن، يا نتجوز مضبوط يا بلاها جواز.