جوزك على ما تعوديه.. أنا فى ميتينج
رغدة أبورجب
دى الجملة الرسمية لما نقرر نكلمهم علشان محتاجين أى حاجة.
قولى عاوزة إيه بسرعة علشان فى ميتينج أو داخل ميتينج أو خارج منه، المهم إنى مش فاضى.
طيب لو فى حاجة مهمة ومحتاجينك نعمل إيه؟
وبعدين موضوع الميتينج ده أصبح منتشر على جميع الأصعدة، تلاقى بتوع التمرين عاملين ميتينج والمدرسين عاملين ميتنج إشمعنا هما..؟
تحس أن الحياة أصبحت مجموعة من الميتنجز فى بعض. أى حد فاضى يقول لك يلا نعمل اجتماع، براحة شوية علينا يا جماعة.
طيب بالنسبة للزوج الجميل اللى كل ما نكلمه من ساعة ما ينزل من البيت لحد ما يوصل فى ميتينج نعمل معاه إيه؟ طيب الميتنجز دى فى العربية كمان وأنت جى فى الطريق، طب إزاى بقى؟ قالك دى اسمها كول طيب ينفع ترد عليا وأنت فى الكول، الإجابة هى لا طبعا، طيب حضرتك أوصلك إزاى أبعت لك ميل مثلا.
مش ممكن الوصول ليك أصبح شبه مستحيل والمواضيع أصبحت أكثر صعوبة وكلكعة/ طبعا حتقول أسيب أكل عيشى وأقعد أرد على حضرتك على التليفون؟
الإجابة لا طبعا بس أنا حقيقى مستغربة كمية الميتينجز اللى كل لما أكلمك مترودش علشان فى ميتيينج.
طب كلمنى بين الميتينجز.. سهلوها علينا يسهلها عليكم ربنا إحنا بنزق اليوم.
