الخروف شون

الخروف شون أو Shaun The Sheep هو الشخصية الرئيسية فى مسلسل كارتون بريطانى بنفس الاسم. المسلسل حلقات مدة كل واحدة 7 دقايق وكل حلقة فيها مغامرات مختلفة.

شون هو قائد القطيع ومعاه الكلب پيترز وهم عايشين فى مزرعة ومعاهم عدد من الخرفان الليّ بيطلعوا فى مغامرات مع شون وپيترز زى تشيرلى وتيمى وماماة تيمى.

فى مغامرات شون اللطيفة المرحة بنشوف إنه على عكس طبيعة الخراف الليّ دايماً ماشية مع القطيع، شون مش كده وبيخلى الوادى الليّ فى المزرعة كله هرج ومرج وبعمل مصايب وبمساعدة الكلب پيترز الليّ بيدارى عليه الراعى مبيعرفش وبتتلم الأمور.

شون مع رفقائه بيعملوا مغامرات ومواقف كوميدية البطل الأساسى فيها شون الليّ بيتمتع بذكاء حاد ودمه خفيف كمان.

بنشوف بكل وضوح أن خروج شون عن المألوف وتكسيره للنمط المعتاد لشخصيته أدته إضافة كبيرة وجعلت منه مغامر وله أصحاب كتير.

علاقاته النمطية بالكلب الليّ المفروض يحرسهم مختلفة وهم أقرب لفريق عمل واحد بيحاولوا يطلعوا من المشاكل والمآزق الليّ بتحصل لهم.

شخصية شون فى علم التنمية البشرية اسمها  شخصية المغامر، ودى شخصية بتتعامل مع الأمور بحس نابض بالحياة وبتجرب أمور جديدة وعندها حس استكشافى كبير.

الحس الاسكشافى ده بيديهم الدفعة للمغامرة وعدم الجلوس فى منطقة الراحة الليّ متعودين عليها وعارفينا.

الشخصية الليً زى شون متعرفش تعيش لوحدها ودايماً بيكون معاها دايرة من الأصحاب وبيعملوا الحاجات سوا فى أحيان كتير.

شخصية المغامر بيفرق معاها الإحساس بالانسجام مع المحيطين بيها، لأنهم مش عايشين فى فقاعة لوحدهم.

صحيح ممكن المغامرة دى تعرضهم لبعض المواقف غير المتوقعة بس هم ميعرفوش يمشوا فى الدنيا بشكل نمطى.

شخصية شون وبيترز عاملة ثنائى جامد...ليه؟

لأنهم فى أمور شبه بعض فيها وحاجات تانية بيكملوا بعض فيها.

ففى حين بنلاقى شون مغامر وفضولى ودمه خفيف بنلاقى بيترز زيه كلب مشاكس بيحب المغامرات والمتعة والإثارة وبيلم المشاكل فى الآخر.

الخلاصة أن السير مع القطيع قد يضمن الأمان والوصول للوجهة المحددة لكنه لا يضمن المتعة فى الطريق.

لو اتعلمنا أى حاجة من شون فهى أن النمطية ليست سيئة ولكن فى مغامرات بتدى للدنيا طعم تانى.

لو طبقنا ده على الإنسان نقدر نقول إن المغامرات المحسوبة والإقدام عليها بتدى للإنسان حياة ومشاعر حسية جديدة - مش معنى كدة أن البنى آدم يقطع البطاقة ويعمل حاجات مجنونة بس برضه القعدة فى منطقة الراحة مفيهاش أى إضافة أو متعة، هى أمان طبعاً بس مبيحصلش فيها أى حاجة مختلفة تصحصح المشاعر وتحفز الاندماج فى الحياة.

الخروف شون كان غير نمطى و أمتعنا بمغامراته وطالما شون عملها ممكن الناس تبتدى تفكر فى المغامرة وفى الآخر يفوز باللذة كل مغامرٍ.