الجمعة 29 مارس 2024
رئيس مجلس الإدارة
هبة صادق
رئيس التحرير
أحمد الطاهري
رئيس مجلس الإدارة
هبة الله صادق
رئيس التحرير
أحمد الطاهري

جوزك على ما تعوديه.. عيد ست الحبايب

ده يوم المفروض بيكون فيه هدايا  للأم تعبيرا لها عن الشكر والتقدير للمجهود الجبار، طبعا مش محتاجين هدية علشان نعمل المجهود ده مع أولادنا ده واجبنا وإحنا عارفين ده كويس..



بس لو حابين تجيبوا هدايا فا يا ريت تكون هدايا مختلفة السنة دى، يعنى بلاش بقى طقم الكوبايات والحلل والكلام الفاضى ده..

هدية عيد الأم لازم تكون هدية شخصية مش للبيت، بلاش فكرة أن الهدية لازم تكون حاجة للبيت الأم رمز للبيت بس مش معناها إن حتى هداياها تبقى للبيت.. 

وفى رأى آخر بيقول أن ده مش وقت هدايا وأننا بنعانى من الظروف الاقتصادية الصعبة وفى حالة جنونية من ارتفاع الأسعار فا ده مش وقته نهائى، حقول لك صح الصح وماشى يا سيدى بلاش هدية بس ممكن تحضروا لها أنتم الأكل اليوم ده تعبيرا عن امتنانكم لها، وبلاش طلبات كتيرة، كل واحد يعمل طلباته ليوم واحد فقط.. 

وبكده نكون احتفالنا بست الحبايب سواء عن طريق هدية بسيطة أو عن طريق إحساسها بأنها إجازة هذا اليوم وغير مطلوب منها أى التزامات أو طلبات وهذه الالتزامات تشمل المذاكرة وحل الواجبات لأحباب الله.. 

ومن هنا نقدر نقول كل سنة وأنتِ طيبة يا ست الحبايب يا حبيبة.