عاوز تعرف
الأحد 13 مارس 2022
كتب
مدحت نور الدين
بأه عاوز تعرف فى مكان فى القلب بيستهلك
بأه عاوز تعرف إن كنت بحبك واشتاقلك
ط ما تسأل نفسك مين فى الحلم يوماتى بيندهلك ومين فى غيابك من تعبت دمعته على الخد بتحتاجلك
بأه عاوز تعرف يا حبيبى مين اللى شاغل بالى
ومين واحشنى ومين تاعبنى وصورته مش سيبانى
ط ما تسأل نفسك ليه بشكيلك من تعب القلب وبعانى وليه مهمومة وليه مشغولة وبشوفك يتغير حالى
بأه عاوز تعرف لو قلت بحبك أنا راح أقولها
ونتوه فى الوقت وليالى الود والعشرة نصونها
جربها بنفسك مع أول حرف حتلاقى قلبك بينولها
أما العشرة وليالى الود أبدًا ما راح أخونها