أنا النكدى
الأحد 13 فبراير 2022
كتب
مدحت نور الدين
أنا النكدى.. أبودم خفيف
أنام بشخير.. واصحى بزامامير
وأغمض عين وأعيش بروحين
وأقول أشعار.. وكلام تخاريف
أنا المعشوق أبوقلب ضعيف
يجولى بنات.. بكلام وأهات
وأدوب فى هواهم وأطير فى سماهم
وأعيش فى الجنة.. وأقول يا لطيف
سيد الرجالة المتعنتظ وضميرى شريف
فى الحق أقول ومخافش الغول
وبعيش فى النور ولا أشهد زور
ولحد الفجر أنا صاحى وبنام تخاطيف
كلامى فى الحب بيأثر زى المراجيح
وتعيش أحلام وسحر كلام
تتمنى تنام فى حضنى أيام
وتفتح جناحاتك وترفرف وتطير فى الريح
فيه أيام تلاقينى متأنتك وبعيش تفاريح
وبموت فى الناس واللى بينباس
وطريقى ينداس لو أشقه بفاس
وحاطط قلبى على كفى وكلامى صريح