قاعدة فى النادى
الأحد 23 يناير 2022
كتب
مدحت نور الدين
وأنا قاعدة أهوه فى حالى لقيته قدامى بيبكى حرام
ودموعه سايله وعدى وسابلى ورقة فيها أرقام
ده بيتلكك ليه.. يعنى أغمضلوا عينية
مهوجالى بيعانى مالبرد وقالى عنده زكام
وأنا فى الظهرية غفلت شوية وبحلم حلم جميل عيشاه
فتحت عينية لقيته حوالية وباقى الحلم اللى أنا شايفاه
هو بيتلكك ليه.. ويجيلى فى حلمى ده ليه
فى الحلم باجرى وراه.. وإيديه مش سايباه
قاعدة فى النادى وبقول يا هادى قالى ده اسمى أنتى عرافاه
قولت يا ربى وآخرة صبرى ورحمة جدى لأقوم ضرباه
قالى صبرى باباه
قمت ضحكت معاه
وبان على وشى حبى وعشقى اللى أنا خفياه
وخلاص اتلكك ليه ما هو جالى أهو برجليه
وأعيش ويعيش العمر معاه
واهو من يومها بحبه بعبله وكنت الأول مش طايقاه