الخميس 28 مارس 2024
رئيس مجلس الإدارة
هبة صادق
رئيس التحرير
أحمد الطاهري
رئيس مجلس الإدارة
هبة الله صادق
رئيس التحرير
أحمد الطاهري

زمن جميل وعدسة أصيلة وراجل عجوز

شباك موارب.. وفجر طالع.. وخصله طله



ويمامة طايره.. فى الهوا.. مع نسمه هلا

وريحة ريحان.. ويا الأدان.. بتعبى الهوا

وصوت جميل.. بيقول كلام.. كأنه دوا

 

والصورة دى من حى شعبى من جوه البلد

من عيلة عايشة أب.. وأم.. وبنت.. ومعاهم ولد

طينة أصيله وطينة طريه وبيعزق ولد

ونبت طالع فى الهوا اليوم اتولد

ووتر كمان  بيعزف سلام بصوت النيل

وبلح طارح فى السما فى شجرة نخيل

وعسل صافى وفطير ومرته وكوخ اتعرش

ولمة ولاد ولعب البنات وحصير اتفرش

 

والصورة دى من ريف بلادنا  من جوه البلد

من عيلة عايشة أب.. وأم.. وبنت.. ومعاهم ولد

 

كتابه ورسوم على حجر قديم بيقول أمجاد

وسهرة حلوة فى الخلا    لمه من كل البلاد

وخروف مشوى بيستوى ومعاه عناب

وشاى أسود بيتغلى وقصص عن الأحباب

وخيمة ورمال وجمال وبادى ولمة صحاب

ورحلة سفارى وغوص وبحر وسمك وشعاب

 

والصورة دى من صعيد بلادنا من جوه البلد

من عيلة عايشة أب.. وأم.. وبنت.. ومعاهم ولد