عطار القلوب

أنا عطار وماشى .. فى دنيا ربنا

أداوى الناس بقالي .. بقالى كام سنة

لو عاوز المرار .. أعبيلك أوى

واللؤم والشرار .. أديلك بالقوى

ولو حبة من المحبة كان فيه وخلص

ولو عاوز الخراب ..  ده بس للغلس

أنا عطار بنادى .. على اللى حبنا

فى كل مكان شوية .. هناك وياهنا

بدور علىَّ سابنا .. من زمان أوى

ويجمع الحبايب .. بقدرة القوى

بتدور على السعادة وشوية من الأمل

الرد عليك يا قلبى كان فيه بس خلص

شجر المحبة عاوز .. جذوره تتروى

واللى يرعاه يا قلبي .. دايما بينكوى

بتدور على اللى فاتنا على أيام الهنا

انسى الحزن بدرى .. وأرجع لربنا

بلاش القهوة سادة وبلاش تقول أنا

وخلى النفوس تعمر وتبنى كام سنة