مش كفاية
الأحد 31 أكتوبر 2021
كتب
مدحت نور الدين
مش كفاية تقول بحبك
وتبتسملى مش كفاية
مش كفاية تلمس إيديه تبص
فـ عينيه وكأنى جزء من رواية
مش كفاية
أنا عاوزه أحس بيك فى قلبى
.... بيك فى دمى
عاوزاك تكون جزء منى
ولما أعيش أعيش كأنى
طير جميل طاير تملى
ولما أموت تكون ضممنى
مش كفاية تشوفنى مرة
أو حتى أشوفك ألف مرة
ولا تشاغلنى وتبعت رسايل
تقول بحبك يا منايا
أنا عاوزه أعيش جواك كأنى
دمك بيجرى جوه دمى
وتكون دايمًا عند ظنى
ولما أفكر فيك تجينى
وتبقى ننى جوه عينى
لو حتى أبيعك تكون شرينى
مش كفاية تكون حبيبى
وأكون نصيبك ونصيبى
مش كفاية