الجمعة 29 مارس 2024
رئيس مجلس الإدارة
هبة صادق
رئيس التحرير
أحمد الطاهري
رئيس مجلس الإدارة
هبة الله صادق
رئيس التحرير
أحمد الطاهري

خلص الكلام

خلص الكلام..         والناس نيام..



والجو ساكت..         وهس هس

وكعب عالى..         يضرب يلالى..

فى ليل أنانى..         يعمله حس

وضحكة فاجرة..         من غير إيقاع..

تقلبها سهرة..         وهز وسط

والكل يصحى..         محلاها سهرة..

ده رب صدفة..         ولا ألف بص

وعيون تفنجل..         وناس تهندم..

وكراسى قهوه..         وشيشة رص

وعود ومغنى..         وكلام له معنى..

والقافية تحكم..         يا عم هس

ولحم مشوى..         وفول مقلى..

وناس بتاكل..         وكلاب تبص

وبنات جميلة..         وحريم مخضرم..

أوزان تقيلة..         عاوزة تخس

وشباب يعاكس..         ورجالة تايهه..

وشحات أرارى..         يا عم حس

وعيال بتلعب..         فى الزهر تقرص..

وواحدة واقفه..         هناك تعس

وضاربها صارمة..         وعيونه وارمة..

ونفسين شاربهم وكلامه نص

وديك يأذن..             يا رب اغفر..

عبدك مغفل..        من ذنبه قص

خلص الكلام..        والناس نيام..

والجو ساكت..        وهس هس